महेश्वर चामलिङ राई, उदयपुर, वैशाख ७- मोबाइलबाट केटी जिस्काउने दुई युवा मंगलबार साँझ प्रहरी फन्दामा परेका छन्। गाईघाटकी एक युवतीलाई मोबाइलबाट ब्लफ कल गरी अश्लील शब्द प्रयोग गर्दै जिस्काएको अभियोगमा उनीहरुलाई पक्राउ गरिएको हो।
त्रियुगा नगरपालिका १ का २५ वर्षीय विष्णु राई र २१ वर्षीय दिनेश राई पक्राउ परेको त्रियुगा नगर प्रहरी प्रमुख कुमार श्रेष्ठले बताए।
दिक्तेल राजापानी घर भई गाईघाटस्थित क्याम्पसमा अध्ययनरत एक युवतीलाई अश्लील शब्दले पटकपटक जिस्काएपछि युवतीको उजुरीको आधारमा खोजतलास गर्दा उनीहरु पक्राउ परेका हुन्।
उनीहले आफ्नो ९८४२९१६५९५ र ९८४२८९१७६२ नं. को मोवाइल र अरु २ वटा नम्बरबाट फोन गरी विष्टलगायत युवतीहरुलाई हैरान पारेपछि उजुरी दिन बाध्य भएको ती युवतीले बताइन्।
दुवैलाई उनीहरुले प्रयोग गर्ने मोबाइलसहित नियन्त्रणमा लिएर अनुसन्धान थालिएको प्रहरीले जनाएको छ।
No comments:
Post a Comment